Saya Cinta Bahasa Mongondow ^_^

aku'oi nongkon bolaang mongondow. lipu' ten molayu' bo koyogot mo bangun kon pemerintahan. 

Aka dia’ kotaawanmu bolaang mongondow. Yoh, lagi buka’ google bo tayak. Langsung bidon kota’awanmu koonda Bol-Mong (bolaang mongondow) tua. Ba dia’mo repot,pogumanku don, bol-mong tua kon pulau Sulawesi tepatnya kon Profinsi Sulawesi utara,manado mo magi’-magi’ paa topilik.

Kon tua, kami mo make’ bahasa mongondow tapi mobayong doman mo make’ bahasa manado sin intaw manado mo anto’ doman mea’ mea’ Bol-Mong, terutama ABG-ABGnya tua(termasuk akuoi) mo anto pa mo make’ bahasa manado.

Bolaang Mongondow tua, totu moloben. Noi bagi 5 daerah, Bolaang mongondow induk ibu kotanya tua kon lolak, kotamobagu ibu kotanya kotamobagu, bolaang mongondow timur totok pusatnya kon nuangan dega’, bolaang mongondow selatan pusatnya kon molibagu, bo terakhir bolaang mongondow utara pusatnya tua kon buroko.

Baloiku kon bolaang mongondow induk, asal kon daerah kotamobagu. Se’eta natua?? Soalnya ka’in takonion toh,yu’on pemekaran kota kotamobagu. Pas mosia nobagi daerah, desa tampatku, dia bi’ pinotuot monia kon kotamobagu, dia’kotaawanku onu motif monia, tapi dinogogku o’uman intaw, kai monia kain “natua bi’ politik” ah, dika don mo bahas tua, urusan intaw.

Bolaang mongondow tua, totu mo kaya. Bango’,nanasi,toigu,kentang,cengkeh, bage’ kayu,bage’ natu, dait bi’ yu’on. Dia’ mo yoyiga aka mo biag kon bolaang mongondow. Dia’ko ka’anon, bea’ don po tayak libu baloi,  noi ukat ukat tua. 

Aka mo bu' limitu makow bonu baloi. Kon bol-mong yu’on doman tampat-tampat wisata mo hebat .kalah –kalah makow bali.  O yu’on pante lolan, mo rame lolan aka idulfitri, natal bo taong mo bagu, memang totok mo macet macet.yu’on doman pulau tiga, tua dang o yu’on lagunya. Pulau tiga na’a totu doman mo bata’ bata’, apalagi waktunya don mata singgai mea’.  Yu’on doman tampat poyingguan tubig mopatu bakan, aka rasa – rasa awak dia’ don no sehat, bea’ lagi poyinggu kon tubig mopatu na’a, mo sehat dait moyinggu., mo ‘fresh’ kai intaw inggris. Oh, tobatu tampat dia’ ko lionganku, kolam desa kon tudu aog. Kolam tua mo gaga doman, asal dega’ dia pa bi’ mobayong intaw no kotota’aw. Aku’oi pa tonga dewa (2) kali minea’ tua. Totu mo gaga dalannya, mo nakod pa bulud , bo mo ranguyan pa bi’ linow.

Intawnya doman kon bol-mong totu mo pia pia . Mo murah senyum, bo mo ramah kon tamu moi angoy. Natua doman aka mea’ kon kampong intaw. Intaw – intaw kon bol-mong tatu mototabian bo mototanoban. Dia mo bangkal kon takin yobayat. Aka yobayat mo susah, yoo tulungan bi’ monia. Natua doman aka no sanang sanang, mo sanang doman moko ontong. Monga adi’ kon bol-mong dinidik natua. Saling monompia. Dika mo sombong kon intaw,dika morodomok,dika mo ngonguman tua dia’ no penting.

Bolaang mongondow rencana pemerintah ka’in, ain don pobali’ monia propinsi bolaang mongondow. Rencananya ka’in. insy allah . 

Ah, natua pa.. aka dia’mo mangarti onu sinulisku na’a… translate don kon google.

Onu gunanya google aka dia’ manfaaton tumompia??

Oh tobatu pa, intaw-intaw mongondow kon Indonesia mulai sabang mo dapot merauke, dika koliongan motto kita : mototompiaan,mototabian bo mototanoban. Dia,kokadai kadai, potu’ot kon bonu gina, terutama intaw intaw bol-mong ten no sikola kon moyayu’, moyayu’ ki mama,ki papa, intaw-intaw baloi, tumompia mo sikola. Ko sukses, wisudaon, bo kolikat po bui monag, sin kita mobobantungan mo bangun bolaang mongondow na’aa. Bolaang mongondow tampat no lahir,no biag bo tampat kita mo bui .

(tulisan ini saya tulis dengan kerjakeras dan sebuah perjuangan , tapi alhmdulillah slsai juga. Terima kasih untuk orang – orang yang  bersedia membantu, dalam lahirnya tulisan singkat ini. Obin, Cendra, Kk', indri , iswonk, dan semua orang yang bersedia membantu dan rela menjadi kamus pelarian saya. maklum saya remaja masa kini, kosa katanya masih begitu minim. ah, sekali lagi, terima kasih berhenktar hektar untuk kalian)